Biltegiratze-Sistemak Dituen Soluzio-Linearako Softwarea Sortzeko Ikertzailea

Kokapena: Donostia (Espainia)
Laneguna: Jardunaldi osoa
Lanpostu: 1

CIDETEC

Etorkizuna eraiki nahi duzu? Zatoz CIDETEC-era! CIDETEC teknologia-zentroak Energia biltegiratzearen, Azalera-ingeniaritzaren eta Nanomedikuntzaren arloan nazioarteko erreferentzia diren hiru teknologia-zentro hartzen ditu barnean. 25 urte baino gehiago daramatzagu enpresa garrantzitsuenen alboan mundu hau hobeago egiteko teknologia garatzen.

Abangoardiako zentro bat, anitza eta nazioartekoa, zure zain dago!

Lanpostuaren deskribapena

CIDETEC erakundeak Biltegiratze Sistemen Unitaterako ikertzaile bat behar du, laborategiak kudeatzeko softwarea sortzearekin lotutako jardueretan lan egiteko, baita datuak biltegiratze-sistemen hodeian ustiatzeko ere, adimen artifizialeko algoritmoak edo bestelakoak oinarri hartuta.

Eginkizunak:

Ikertzaileak Biltegiratze Sistemen Unitatean lan egingo du, trebakuntza-proiektuen edota enpresei teknologia transferitzeko proiektuen garapenean, datuak kontrolatzeko eta ustiatzeko softwarearekin lotutako biltegiratze-sistemen unitatearen Ildo Estrategikoan. Lana burutzerakoan, hainbat ikerketa-ildo garatu beharko ditu aldi berean, baliabideak optimizatuz eta emaitzak areagotuz.

Ildoaren arduradun batek zuzendutako talde batean sartuko da langile berria eta modu autonomoan lan egingo du zehaztutako lan-plangintzari jarraikiz. Haren eginkizuna, oro har, ondorengo jardueretara bideratuko da:

Laborategiak eta saiakuntza teknikoak kudeatzeko tresnak sortzea.
Baliabide teknikoak eta materialak optimizatzea.
Bateria konektatuaren eta hodeian datuak ustiatzearen lan-ildoan jardutea.
BMS (Battery Management System) kontrolaren softwarerako algoritmo berrien garapenean lan egitea.

Horrez gain, honako hauetan parte hartuko du:

Ideia/kontzeptu berriak sortzea eta gauzatzea.
Dokumentazio teknikoa egitea.
Finantzaketa bilatzeko dokumentazioa egitea.

Baldintzak

Prestakuntza:

Ingeniaritza, espezialitate hauekin: informatika/telekomunikazioak. Masterra edo doktorego-tesia adimen artifizialaren edo software-ingeniaritzaren alorrean.

Hizkuntzak:

Ingelesa menperatzea ahozko eta idatzizko mailan.

Ezagutzak:

Hautagaiak ezagutza sakona egiaztatu behar du arlo hauetan:

Datu-base erlazionalak (SQL) eta ez-erlazionalak (MongoDB, FireBase, etab.)
Diseinu-ereduen ezagutza sakona.
Hodeiko datuen eta zerbitzuen azpiegiturak ezagutzea.
Esperientzia kalitate-kodea kudeatzen eta sortzen, kodearen kalitate-irizpideak oinarri hartuta.
Esperientzia bertsioak kudeatzeko tresnak erabiltzen (Git, SVN, etab.)
Esperientzia proiektu handi eta modularretan parte hartzen.
Machine Learning-aren eta adimen artifizialaren algoritmoak ezagutzea

Oharrak:

Hautagaiak motibazio handia izan behar du, eta ikerketa eta berrikuntzarako interesa. Diziplina anitzeko talde batean sartuko da. Lana antolatzeko gai izango da, epemugak eta ezarritako helburuak betez.

Atzerriko egonaldiak eta 3 urtetik gorako lan-esperientzia kontuan hartuko dira.

Lan-eskaintza itxita

Kokapena: Donostia (Espainia)
Laneguna: Jardunaldi osoa
Lanpostu: 1

Begiratu gure beste eskaintzak